ABŞ hərbi bazalarından şəxsi heyəti təxliyə edir

ABŞ regional gərginliyin artması fonunda ehtiyat tədbiri olaraq bölgədə yerləşən əsas hərbi bazalardan şəxsi heyəti geri çəkir.

BAKU.WS Oxu.Az-a istinadən xəbər verir ki, bu barədə adının açıqlanmasını istəməyən ABŞ rəsmisi "Reuters" agentliyinə məlumat verib.

Məlumata görə, bu qərar İran rəsmisinin "Reuters"ə verdiyi açıqlamadan sonra qəbul edilib.

Qeyd edək ki, rəsmi Tehran ABŞ qoşunlarının yerləşdiyi qonşu ölkələrə xəbərdarlıq edərək bildirib ki, Vaşinqton hücuma keçərsə, ABŞ hərbi bazaları hədəfə alınacaq.