Zelenski ingilis dili haqqında qanunu imzalayıb
Ukrayna Prezidenti Volodimir Zelenski ölkədə ingilis dilinin fəaliyyət göstərməsi haqqında qanunu imzalayıb.
“Report” xəbər verir ki, bu barədə “RBK Ukrayna” Ukrayna Ali Radasının saytına istinadən məlumat yayıb.
Qeyd olunub ki, Zelenski ingilis dilinin fəaliyyəti ilə bağlı qanun layihəsini təxminən bir il əvvəl Radaya təqdim edib. Parlament dövlət başçısının təşəbbüsünü yalnız bu il iyunun 4-də ikinci oxunuşda qəbul edib.
Sənəd ingilis dilinin Ukraynada beynəlxalq ünsiyyət dillərindən biri statusunu almasını nəzərdə tutur.
Həmçinin qanuna əsasən, indi Ukraynada məmurlar, müqavilə əsasında xidmət edən hərbi qulluqçular, orta və yüksək rütbəli polis zabitləri və digərləri ingilis dilini bilməlidirlər.
Oxşar xəbərlər
Üç, dörd, beş xarici dil bilən MƏŞHURLAR KİMLƏRDİR? - FOTO - SİYAHI
Türkiyəli tanınmışlar sadəcə türk dilini deyil, başqa dilləri bilir və bu dillərdə çox yaxşı danışırlar. Bu da öz növbəsində xarici filmlərə çəkilən tanınmışlar...