055 213 76 73
Amerikalı aktyor Alek Bolduin oktyabrın 22-də “Pas” (Rust) filminin çəkilişi zamanı onun açdığı atəş nəticəsində kinooperator Qalina Xatçinsin faciəli şəkildə həlak olması barədə ilk dəfə danışıb.
BAKU.WS-in oxu.az-a istinadən məlumatına görə, Bolduin bildirib ki, bu, trilyonda bir rast gəlinən bədbəxt hadisədir:
“Bu günə qədər filmlərdə və teleşoularda nə qədər güllə atılıb? Praktiki olaraq hər hansı hadisə baş verməyib. Qalina Xatçins mənim dostum idi. Həmin gün filmin çəkilişindən əvvəl Qalina Xatçinsi rejissorumuz Coel Souzla birgə yeməyə dəvət etmişdim. Bizim çox yaxşı komandamız var idi, birgə film çəkirdik, bu dəhşətli hadisə baş verdi”.
Yenə də silahlardan istifadəyə nəzarətin sərtləşdirilməsinin tərəfdarı olduğunu vurğulayan A. Bolduin “Pas” (Rust) filminin çəkilişinin davam etdirilməyəcəyini düşündüyünü də söyləyib.
Aktyor ona istintaqın gedişi barədə danışmağın qadağan edildiyini söyləyib.
İstintaq hələ ittiham irəli sürməyib. Hazırda tapançaya döyüş gülləsinin necə qoyulduğu araşdırılır.