Yanmış çörək qabığı BU XƏSTƏLİYƏ yol açır

Dietoloq Veronika Qusakova xəbərdarlıq edib ki, yandırılmış çörək qabığının tərkibində kanserogenlər var.

BAKU.WS xəbər verir ki, o, NEWS.ru-ya müsahibəsində vurğulayıb ki, tərkibində karbohidratlar, zülallar olan qidaları bişirərkən və ya qızartdıqda qlikasiya əmələ gəlir. Onun sözlərinə görə, bu cür birləşmələr sağlamlığa mənfi təsir göstərir, iltihabi prosesləri təşviq edir və oksidləşdirici stressə səbəb olur.

Dietoloq qeyd edib ki, qlikasiya məhsullarının istehlakının azaldılması ömrü artırır. Bu cür qidaların, o cümlədən qızardılmış çörəklərin həddindən artıq çox olması isə müxtəlif xəstəliklərə, o cümlədən şəkərli diabet və ürək-damar problemlərinə yol açır.

Çörəyin yandırılmış yerlərində yüksək temperaturda əmələ gələn kimyəvi birləşmə olan akrilamid var. Araşdırmalar göstərir ki, şəkər kimi karbohidratların yandırılması bu maddənin əmələ gəlməsinə səbəb olur. Diyetoloq belə qənaətə gəlib ki, böyük miqdarda akrilamid kanserogen sayılır.

Endokrinoloq Mariya Kaloshina 40-50 yaşlı insanlara qızardılmış qidalardan və işlənmiş qidalardan imtina etməyi tövsiyə edib. Mütəxəssis qeyd edib ki, qızardılmış qidaların qabığında çoxlu kanserogenlər var. O xəbərdarlıq edib ki, hüceyrələrdə çox sayda mutasiyaya görə xərçəng riski yaşla artır.