Xiyar və pomidor salatı haqqında bilmədiklərimiz

Diyetoloq Alexander Burlakov pomidor və xiyar salatı haqqında ümumi mifi dağıtdı.

BAKU.WS-in "Lenta.ru"ya istinadən xəbər verir ki, mütəxəssis öz "Telegram" kanalında elmi əsaslandırılmış məlumatları paylaşaraq məşhur yanlış təsəvvürü təkzib edib.

Burlakovun sözlərinə görə, bir qabda pomidor və xiyarın bir-birinin faydalı xüsusiyyətlərini zərərsizləşdirdiyi iddiasının ciddi əsası yoxdur.

"Askorbin turşusu (vitamin C) askorbinazın (xiyarda olan ferment) iştirakı ilə qismən məhv edilə bilər. Lakin bu, əhəmiyyətsizdir və bütövlükdə pəhriz çərçivəsində heç bir klinik əhəmiyyətə malik deyil", - həkim ətraflı izah etdi.

Dietoloq xüsusilə vurğuladı ki, pomidor və xiyarın salatda birləşməsi antioksidantların, lifin, kaliumun və digər vacib fitonutrientlərin qiymətli mənbəyi olaraq qalır.