Oynaqlardakı ağrıya dəfnə yarpağı kömək edir? – AÇIQLAMA

Oynaq ağrılarını azaltmaq üçün dəfnə yarpağı dəmləməsindən istifadə internetdə geniş yayılıb. Guya bu üsul oynaqlardakı "duzları" çıxarır. Lakin bunun elmi sübutu yoxdur.

BAKU.WS xəbər verir ki, mütəxəssislər bildirirlər ki, oynaq ağrısının müxtəlif səbəbləri ola bilər. Bunlara artroz, podaqra, iltihabi xəstəliklər və travmalar daxildir.

Podaqra zamanı oynaqlarda sidik turşusunun kristalları toplanır. Dəfnə yarpağı isə bu kristalları aradan qaldırmır.

Araşdırmalarda dəfnə yarpağının bəzi maddələrinin iltihabəleyhinə xüsusiyyətləri müəyyən edilib. Lakin bunun insanlarda oynaq xəstəliklərini müalicə etdiyi sübut olunmayıb.

Həkimlər xalq üsullarına görə müalicəni gecikdirməməyi tövsiyə edirlər. Oynaq şişir, qızarır və güclü ağrıyırsa, həkimə müraciət etmək lazımdır.