İkinci cəhd imtahanı üçün son bir gün - Ən çox bu qrup MÜRACİƏT EDİB

Ali təhsilin bakalavriat səviyyəsinin I-IV ixtisas qrupları üzrə test (II cəhd) imtahanına qeydiyyat sabah başa çatır.

BAKU.WS xəbər verir ki, bu barədə Dövlət İmtahan Mərkəzindən (DİM) bildirilib.

Qeyd edilib ki, imtahan üçün indiyədək 60 minə yaxın abituriyent qeydiyyatdan keçib.

Ən çox qeydiyyat I və III qruplardadır.

Qeyd edək ki, qəbul imtahanlarının ikinci cəhdi II və III ixtisas qrupları üzrə 6 iyul, I və IV ixtisas qrupları üzrə isə 13 iyul tarixində keçiriləcək. Coğrafiya fənni üzrə əlavə imtahan da 13 iyul tarixində təşkil olunacaq. /modern.az