Duzlu və acılı qidaların orqanizmə zərərləri açıqlandı

Mütəxəssislər duzlu və acılı qidaların ləzzətli olsa da, sağlamlıq üçün bir sıra risklər daşıdığını bildirirlər.

BAKU.WS xəbər verir ki, duzun artıq qəbulu orqanizmdə suyun tutulmasına, qan təzyiqinin yüksəlməsinə və böyrəklərin fəaliyyətinin zəifləməsinə səbəb olur.

Duzlu qidalar həmçinin sümüklərin kalsium itkisini sürətləndirir və uzunmüddətli dövrdə osteoporoz riskini artırır.

Acılı yeməklər isə mədə turşuluğunu artırır, qastrit və xora kimi xəstəlikləri ağırlaşdıra bilər. Bundan əlavə, ədviyyatların çoxluğu həzm sistemini qıcıqlandıraraq yanma hissi, ishal və hətta dəri səpkiləri yarada bilər.

Mütəxəssislər gündəlik duz qəbulunun 5 qramdan çox olmamasını, acılı qidaların isə həftədə 1-2 dəfə ilə məhdudlaşdırılmasını tövsiyə edirlər.

Sağlam qidalanma və balanslı pəhriz orqanizmin uzunömürlülüyü üçün ən vacib amillərdən biri hesab olunur.