Çox içmək kişilərdə keçəlliyə səbəb olur

Pusan ​​Milli Universitetinin apardığı araşdırmada spirt istehlakı ilə saç tökülməsi arasında əlaqə aşkar edib.

BAKU.WS Milli.Az-a istinadən xəbər verir ki, elm adamları, müntəzəm olaraq spirtli içki qəbul edən kişilərin Androgenetik alopesiyaya (AGA) məruz qalma ehtimalının 1,4 dəfə çox olduğunu açıqlayıb.

Tədqiqatçılar, androgenetik alopesiyanın genetik meylli kişilərdə görülən saç tökülməsinə verilən ad olduğunu açıqlayıblar.

Alimlər spirtli içki qəbul edən kişilərin alkoqol içməyənlərə nisbətən keçəlləşmə ehtimalının daha çox olduğunu ifadə ediblər.

Mütəxəssislər saç tökülməsinin digər səbəbləri arasında yaşlanma, stress, xərçəng, arıqlama və dəmir çatışmazlığı ola biləcəyini izah ediblər.