"Apokalipsis" filminin baş qəhrəmanı həbs edildi

Amerikalı aktyor Rudi Yanqblad Texas ştatının Belton şəhərində həbs edilib.

BAKU.WS Oxu.Az-a istinadən xəbər verir ki, bu barədə "Deadline" nəşri məlumat verib.

Aktyor hücum ittihamı ilə bağlı həbs orderi üzrə saxlanılıb. O, məişət zəminində hücumda şübhəli bilinir.

Yanqblad hazırda həbsdədir və onun azad edilməsi üçün girov məbləği 20 min dollar olaraq müəyyən edilib.

Xatırladaq ki, Rudi Yanqblad aktyor Mel Gibsonun "Apokalipsis" filmində baş rolu ilə məşhurlaşıb.