2050-ci ildə dünya əhalisinin yarısı bu xəstəlikdən əziyyət çəkəcək

Türkiyənin göz xəstəlikləri üzrə mütəxəssisi dosent Dr. Deniz Kılıç miopiya, hipermetropiya və astiqmatizmin artdığını bildirib.

BAKU.WS DHA-ya istinadən xəbər verir ki, bunun əsas səbəbi genetik amillər, rəqəmsal cihazlardan uzun müddət istifadə və qapalı ofis şəraitində işləməkdir.

O, müasir SMILE lazer müalicəsi barədə məlumat verərək bu metodun sürətli sağalma və yüksək effektivlik təmin etdiyini vurğulayıb. SMILE üsulu ilə əməliyyat olunan xəstələr ertəsi gün adi həyatlarına qayıda bilirlər.

Bu metod xüsusilə gözü travmalara açıq olan peşə sahibləri üçün təhlükəsizdir.

Lazer əməliyyatı üçün xəstənin 18 yaşdan yuxarı olması, son bir ildə göz dərəcəsinin dəyişməməsi və kornea qalınlığının uyğun olması tələb olunur.

Dr. Kılıç lazer texnologiyasının inkişafı ilə əməliyyat prosesinin daha qısa və təhlükəsiz hala gəldiyini qeyd edib.