İspaniyadan hökumət başçısı səviyyəsində Azərbaycana ilk səfər reallaşacaq

İspaniya hökumətinin sədri Pedro Sançez bu il Bakıda keçiriləcək COP29 konfransında iştirak etmək üçün Azərbaycana gələcək.

BAKU.WS report-a istinadən xəbər verir ki, bu barədə Azərbaycan Prezidenti İlham Əliyev İspaniyanın yeni səfiri Kristina Latore Sançonun etimadnaməsini qəbul edərkən məlumat verilib.

Dövlət başçısı İspaniya hökumətinin sədrinin COP29-da iştirakından məmnunluğunu bildirərək qeyd edib ki, bu, İspaniya tərəfindən hökumət sədri səviyyəsində ölkəyə ilk səfər olacaq.

Səfər çərçivəsində keçiriləcək görüşlərin ikitərəfli münasibətlərin inkişafına yeni təkan verəcəyinə ümidvarlıq ifadə olunub.