Mikayıl Cabbarov Abdul Alim Xan ilə müzakirələr aparıb

Azərbaycanın iqtisadiyyat naziri Mikayıl Cabbarov Pakistan İslam Respublikasının özəlləşdirmə, investisiya şurası və kommunikasiya üzrə federal naziri Abdul Alim Xan ilə görüşüb.

BAKU.WS xəbər verir ki, Mikayıl Cabbarov bu barədə özünün "X" hesabında bildirib:

"Görüşümüzdə ölkələrimizin iqtisadi tərəfdaşlığının inkişafını məmnunluqla vurğuladıq. İnvestisiyalar, ticarət sahəsində əməkdaşlığın genişləndirilməsi, həmçinin hər iki ölkənin işgüzar dairələri arasında əlaqələrin möhkəmləndirilməsi ilə bağlı məsələləri müzakirə etdik".

#Pakistan İslam Respublikasının özəlləşdirmə, İnvestisiya Şurası və kommunikasiya üzrə federal naziri Abdul Alim Xan (@abdul_aleemkhan) ilə görüşümüzdə ölkələrimizin #iqtisadi tərəfdaşlığının inkişafını məmnunluqla vurğuladıq. #İnvestisiya-lar, #ticarət sahəsində əməkdaşlığın… pic.twitter.com/J7yhUjsvmu

— Mikayil Jabbarov (@MikayilJabbarov) November 19, 2024