055 213 76 73
Kanadanın “The Globe and Mail” qəzetində Mark Makkinnonun müəllifliyi ilə “Ermənistan və Azərbaycan Dağlıq Qarabağ uğrunda döyüşlərə başlayır” adlı məqalə dərc edilib.
BAKU.WS xəbər verir ki, məqalədə Prezidentin köməkçisi Hikmət Hacıyevin fikirlərinə yer verilib.
Müsahibə zamanı Gəncəyə hücumların Ermənistan ərazisindən həyata keçirildiyini qeyd edən H.Hacıyev Dağlıq Qarabağın hüdudlarından kənarda münaqişənin zonasının genişlənməsi təhlükəsinin olduğunu xüsusilə vurğulayıb. Eyni zamanda, Azərbaycanın su anbarı və elektrik stansiyasının yerləşdiyi Mingəçevir şəhərinin də hədəfə alındığını bildirib.
Prezidentin köməkçisi Ermənistanın öz ərazilərindən Azərbaycanın mülki vətəndaşlarına hücum etməsinin münaqişəyə daha təhlükəli bir ölçü əlavə etdiyini vurğulayıb.
H.Hacıyev qeyd edib ki, atəşkəs çağırışı, həmçinin Ermənistan qoşunlarının Azərbaycanın işğal olunmuş ərazilərindən çıxarılmasına dair çağırış ciddi siyasi mesajla müşayiət olunmalıdır.
Eyni zamanda o, Azərbaycan hərbçilərinin Xankəndidəki və onun ətrafındakı yalnız hərbi obyektləri hədəf aldığını bildirib.