Son günlər ucuz qiymətə satış edən mağazaların sayı artıb. Plastik qablar, kosmetik vasitələr, yuyucu tozlar bir manata təklif olunur. Əməkdaşlarımız bu mağazaların birində olublar. Satılan malların keyfiyyəti ilə maraqlanıblar.

Plastik boşqab və stəkanlar. Kosmetikalar, köynəklər və daha nələr. Bu mağazadan nə alırsan al, 1 manatadır. Bakıda ucuz qiymətə satış həyata keçirən mağazalar var. İstədiyiniz əşyanı ən baha 3 manata ala bilərsiniz. Bəzi mağazalar isə vahid qiymət tətbiq ediblər. Məsələn burada nə almağınızdan asılı olmayaraq 1 manat ödəməli olacaqsınız.

Satıcının sözlərinə görə mağazaya müraciət edənlərin sayı hər ötən gün bir az da artır. Qiyməti isə bilərəkdən 1 manat təyin ediblər. Onun sözlərinə görə ayda bir bahalı mal satmaqdansa ucuz qiymət qoyub satırlar. Sual yaranır bu qabların, kosmetik vasitələrin, yuyucu tozların maya dəyəri nə qədərdir ki, onlar bir manata satılır? Bu zaman keyfiyyət məsələsi ortya çıxır.

Satıcı əşyaların Çin malı olmadığını desə də heç birinin üzərində yarlıq görmədik. Elə alıcılar da qiymətə aldanıb gəldiklərini, məhsulun keyfiyyətindən xəbərsiz olduqlarını deyirlər.

BAKU.WS