SİZİN REKLAM BURADA!
055 213 76 73


Şimali Koreyanın hidrogen bombası testi dünya birjalarını da "vurub".

BAKU.WS-in məlumatına görə, beynəlxalq bazarlarda dollar sürətlə ucuzlaşamağa başlayıb.
 
Qızılın qiymətində isə bahalaşma müşahidə edilir. Şimali Koreyanın hidrogen bombasını sınaqdan keçirməsindən sonra qızıl dünən son 1 ilin ən yüksək səviyyəsinə çatıb. Qızıl 1 unsiyası (31.1 qram) 1.339,64 dolları keçib. Bu səviyyə 2016-cı il sentyabrın 27-dən etibarən ən yüksək səviyyə deməkdir.

Xatırladaq ki, Şimali Koreya prezidenti Kim Çen Inın hidrogen bombası ilə bağlı verdiyi qərar bütün dünyanı ayağa qaldırıb. Səhər saatlarında Şimali Koreyanın nüvə sınağı etdiyi ərazinin yaxınlığında 6.3 bal gücündə zəlzələ baş verib.

Yaponiya hökuməti zəlzələnin nüvə sınağı nəticəsində baş verdiyini bildirib. Güclü təkandan sonra 4,6 bal gücündə daha bir afterşok olub. Zəlzələ Çinin bəzi şəhərlərində təxminən 10 saniyə davam edib.

Şahin
BAKU.WS