Nazirlər Kabinetinin qərarına əsasən, 8 martda ölkə üzrə sərnişin avtobuslarının fəaliyyəti dayandırılacaq. 8 mart bazar ertəsinə təsadüf edir.
Nəzərə alsaq ki, yalnız dövlət sektorunda çalışanlar üçün qeyri-iş günüdür, bu qərarın verilməsi nə dərəcədə düzgündür? Bu qərar hansı çətinliklər yaradacaq?
Ölkədə əmək müqaviləsi ilə çalışan işçi sayı 1 milyon 691 min nəfərdir. Onlardan 455 min nəfəri Bakıdakı, 275 min nəfəri isə regionlardakı qeyri-dövlət sektorunda fəaliyyət göstərir.
Fərdi sahibkar kimi fəaliyyət göstərən, mağazada, bazarda, irili-xırdalı ticarət obyektlərində çalışanlar üçün bayram günləri əksinə daha sıx iş günü hesab olunur. Bir sözlə, avtobusların işləməməsi yalnız istirahət edənlərə təsir etməyə bilər. Amma bayram günü də işləməli olanlar heç də az deyil.
Sözügedən qərarın verilmə zərurəti ilə bağlı ARB kanalının hazırladığı süjeti təqdim edirik: