Laporta Bellinqhemi simulyasiyada ittiham edib

"Barselona"nın prezidenti Joan Laporta "Real Madrid"in yarımmüdafiəçisi Cud Bellinqhemi Madrid komandası ilə "Almeriya" matçında simulyasiya etməkdə ittiham edib.

BAKU.WS-in xəbərinə görə, bu barədə "Mundo Deportivo" nəşri yazır.

"Futbol oynayanlara işarə edən bir təfərrüat var: Bellinqhem meydançada yıxılan zaman hakimə nəzər salır, sanki: "Görək onu aldatmışam, ya yox", - deyir. Və sonra oyun davam edir. Qaydalara uyğun olaraq vurulan bir qol gəlir".

Xatırladaq ki, "Real" İspaniya çempionatının XXI turunun matçında "Almeriya"ya 3:2 hesabı ilə qalib gəlib.