Benzia karyerasını Səudiyyə Ərəbistanında davam etdirəcək

Azərbaycan çempionu "Qarabağ"ın sabiq yarımmüdafiəçisi Yassin Benzia Səudiyyə Ərəbistanına yollanır.

BAKU.WS xəbər verir ki, 30 yaşlı əlcəzairli futbolçu bu ölkənin Pro Liqasında mübarizə aparacaq "Əl-Hazem" klubu ilə müqavilə imzalamaq üçün razılığa gəlib.

Qeyd edək ki, "Əl-Hazem" cari mövsüm elitaya yüksələn komandalar sırasındadır.

Xatırladaq ki, Benzia "Qarabağ"da 2023-cü ilin fevralından 2025-ci ilin may ayınadək çıxış edib və bu müddət ərzində komandanın əsas oyunçularından biri olub.

Təcrübəli futbolçu karyerası ərzində Fransanın "Lill" və "Lion", Türkiyənin "Fənərbağça", Yunanıstanın "Olimpiakos" klublarında da forma geyinib.