Rusiyalı futbolçular Türkiyədə keçirilən yoldaşlıq matçında əlbəyaxa davaya çıxdılar

Türkiyənin Antalya şəhərində “SKA Xabarovsk” və “Çelyabinsk” komandalarının futbolçuları yoldaşlıq oyunundan sonra əlbəyaxa davaya çıxıblar. 

BAKU.WS Rusiya KİV-ə istinadən xəbər verir ki, hadisə final fitindən sonra baş verib.

Qarşılaşma 4:3 hesabı ilə çelyabinsklilərin xeyrinə başa çatıb. “SKA Khabarovsk” YouTube kanalının aparıcılığı ilə keçirilən görüşün yayımında “Xabarovsk”ın hücumçusu Səid Əliyevin Çelyabinskli futbolçulardan biri ilə davaya başlaması, bundan sonra hər iki komandanın oyunçuları və məşqçiləri qaçaraq onların yanına gəliblər.

Davanın səbəbləri və nəticələri məlum deyil, yayım başlayandan dərhal sonra kəsilib.

20 matçda 24 xal toplayan “SKA Xabarovsk” MELBET Birinci Liqasının turnir cədvəlində 13-cü yerdədir.