055 213 76 73
Qətərdə keçirilən dünya çempionatının E qrupunda I tura start verilib.
Turun ilk oyununda sensasiya qeydə alınıb. Yaponiya millisi Almaniyanı 2:1 hesabı ilə məğlub edib.
Hesabı 33-cü dəqiqədə Bundestimdən İlkay Gündoğan açıb. İngiltərənin "Mançester Siti" klubunda çıxış edən yarımmüdafiəçi penaltini dəqiq yerinə yetirib. İlk hissə bu hesabla başa çatıb. İkinci yarıda əzmkarlıq nümayiş etdirən Asiya təmsilçisi 2 qol vuraraq, sensasiyaya imza atıb. 75-ci dəqiqədə Ritsu Doan hesabı bərabərləşdirib. Cəmi 8 dəqiqə sonra isə Takuma Asano görüşdə son nöqtəni qoyub.
Yaponiya yığması bu qələbədən sonra 3 xalla ilk pilləyə yüksəlib. E qrupunun ikinci oyununda İspaniya yığması Kosta Rikanı sınağa çəkəcək.
***18:46
Qətərdə keçirilən dünya çempionatının E qrupunun ilk turu çərçivəsində keçirilən Almaniya - Yaponiya oyununda növbəti qol vurulub.
Qarşılaşmanın 83-cü dəqiqəsində Asano Yaponiyanı hesabda önə çıxarıb.
***18:36
Qətərdə keçirilən dünya çempionatında Almaniya və Yaponiya yığmaları arasında E qrupunun I tur oyununda ikinci qol vurulub.
76-cı dəqiqədə Asiya təmsilçisindən Ritsu Doan tarazlığı bərpa edib - 1:1.
***17:35
lmaniya yığması Yaponiya ilə qarşılaşmada hesabda önə keçib. Oyunun 33-cü dəqiqəsində İlkay Gündoğan pelanti zərbəsi ilə hesabı açıb.
***17.05
Dünya çempionatının qrup mərhələsi çərçivəsində Almaniya və Yaponiya milliləri arasında görüş start götürüb.
Qarşılaşmanı Salvadordan olan FIFA referisi İvan Barton idarə edir.