Ən çox ağlayan bürclər açıqlandı

Astroloqların fikrincə, bürclər insanların emosional reaksiyalarına da təsir edir. Bəzi bürclər duyğularını içində saxlasa da, bəziləri tez-tez ağlamağa meyilli olur. Mütəxəssislər ən çox ağlayan və hisslərini göz yaşları ilə ifadə edən bürcləri açıqlayıb.

Astroloji müşahidələrə əsasən, Balıqlar, Xərçəng və Əqrəb bürcləri duyğusal baxımdan ən həssas bürclər hesab olunur. Bu bürclərə mənsub şəxslər tez təsirlənir, kiçik bir hadisə belə onları kövrəldə bilər.

Balıqlar bürcü emosional dərinliyi və zəngin təsəvvürü ilə tanınır. Onlar həm öz dərdlərinə, həm də başqalarının problemlərinə görə ağlaya bilirlər. Həssas təbiətləri onları tez kövrəldir.

Xərçəng bürcündə doğulanlar isə ailəyə və yaxın münasibətlərə çox bağlıdır. Sevdiklərinə qarşı duyduqları güclü emosiyalar, inciklik və ya sevinc anlarında tez-tez göz yaşlarına səbəb olur.

Əqrəb bürcü hər nə qədər güclü və sərt görünsə də, daxildə dərin və partlayıcı emosiyalar yaşayır. Bu emosiyalar bəzən göz yaşları ilə ifadə olunur.

Psixoloqlar bildirirlər ki, ağlamaq insanın duyğularını boşaltması və psixoloji yüngüllük tapması üçün təbii və faydalı reaksiyadır. Bürclərin bu xüsusiyyətləri isə insanın emosional davranışlarını daha yaxşı anlamağa kömək edə bilər.