Kamran Əliyev Şəkidə vətəndaşları qəbul edəcək

Baş prokuror Kamran Əliyev avqustun 25-də, saat 10:00-da Şəki rayon prokurorluğunun inzibati binasında Şəki, Oğuz, Qəbələ rayon və Mingəçevir şəhər sakinlərinin qəbulunu keçirəcək.

BAKU.WS xəbər verir ki, bu barədə Baş Prokurorluqdan bildirilib.

Vətəndaşların qəbulla bağlı qeydiyyatı və Şəki rayonuna gəlmələrinin təşkili rayon prokurorları tərəfindən həyata keçiriləcək.

Vətəndaşlar yaşadıqları ərazi üzrə rayon (şəhər) prokurorluqlarına yazılı və ya şifahi müraciət etməklə yanaşı, Baş Prokurorluğun Sənədlərlə və müraciətlərlə işin təşkili idarəsinin (012) 361-14-07, (012) 361-14-22, (012) 361-01-48 nömrəli telefonları, contact@prosecutor.gov.az elektron poçt ünvanı, həmçinin prokurorluğun sosial şəbəkələrdəki səhifələri (İnstagram, Facebook və X) vasitəsilə də qəbula yazıla bilərlər.