I Qarabağ müharibəsi şəhidinin qardaşı: Onunla son danışan mən olmuşam

Qardaşım Atakişi Atayev 1991-1992-ci illərdə "Güclər polku"na cəlb edilmişdi. Təlim bitdikdən sonra mənə zəng vurdu və dedi ki, biz artıq cəbhəyə gedirik.

BAKU.WS report-a istinadən xəbər verir ki, bunu açıqlamasında Birinci Qarabağ müharibəsinin itkin şəhidi Atakişi Atayevin qardaşı Azad Atayev deyib.

Onun sözlərinə görə, A.Atayev həyatda çox aktiv idi: "Uşaqlıqdan hərbçi olmaq fikri var idi. Hərbi xidmətdə ixtisasca tankçı olub".

A.Atayev qeyd edib ki, qardaşının döyüş yoldaşları ilk vaxtlar onun taleyi barədə ailəyə konkret bir şey deyə bilməyiblər: "Sonradan eşitdik ki, başından qəlpə yarası alıb. Sonra isə izinin itdiyi məlum oldu və tapılmadı".

Şəhidin qardaşı onun son döyüş yerinin Naxçıvanlı kəndi olduğunu bildirib.

Qeyd edək ki, A.Atayev 1960-cı il oktyabrın 2-də Bakı şəhərində anadan olub. O, 1992-ci il iyunun 27-də Xocalı rayonunun Naxçıvanlı kəndində itkin düşüb. Onun qalıqları bu gün Bakının Keşlə qəsəbəsində dəfn olunacaq.