SİZİN REKLAM BURADA!
055 213 76 73



Bu gün, martın 25-i bəzi mobil cihazlarda saatlar avtomatik olaraq irəli çəkilib. Bu da bir çoxlarında haqlı olaraq çaşqınlıq yaradıb.

BAKU.WS xəbər verir ki, Nazirlər Kabinetinin "Azərbaycan Respublikası ərazisində yay vaxtının tətbiq edilməsi haqqında" 1997-ci il 17 mart tarixli 21 nömrəli qərarına əsasən, hər il mart ayının son bazar günü yay vaxtına, oktyabr ayının son bazar günü isə standart vaxt zonasına keçirilirdi və müvafiq olaraq saat əqrəbləri bir saat irəli və geri çəkilirdi.

Nazirlər Kabinetinin 17 mart 2016-cı il tarixli 131 nömrəli qərarı ilə yuxarıda qeyd edilən qərar ləğv edildi və müvafiq olaraq ölkə ərazisində yay və qış vaxtına keçid baş vermədi.

Bu səbəbdən bu gün saatların 1 saat irəli çəkilməsinə ehtiyac qalmayıb. Qərarın verilməsindən 2 il keçməsinə baxmayaraq, təəssüflər olsun ki, hələ də bəzi mobil qurğularında ötən gecə saatlar avtomatik olaraq 1 saat irəli çəkilib.

Buna həmin cihazlarda müvafiq proqram yenilənmələrinin quraşdırılmaması və istifadəçinin telefonunun tənzimləmə parametrlərində "Vaxtın şəbəkədən avtomatik təyin edilməsi" və "Vaxt zonasının avtomatik təyin edilməsi" imkanlarını seçilməməsi səbəb olub. Hazırda bu göstəriciləri seçməklə baş vermiş xətanı aradan qaldırmaq mümkündür.

Əgər hər hansı kompüter sistemlərində də belə hallar aşkarlanarsa, vaxtın təyin edilməsi panelindən "avtomatik vaxt zonasının seçilməsi" imkanını aktivləşdirmək lazımdır.

Bildirək ki, rabitə və kompüter sistemlərinin fəaliyyətində heç bir xəta baş verməyib, sistemlər normal çalışır və Azərbaycanın standart vaxt zonası GMT+4 olaraq göstərilir.

Azərbaycanda dəqiq saatı bilmək üçün bu keçidə daxil olun.

BAKU.WS