Azərbaycanlı müğənnilərin cərimələri – SİYAHI

 

Elza Seyidcahan: "Çalışıram ki, qayda-qanunu pozmayım. Amma tədbirə tələsəndə bəzən qaydaları pozuram. Buna görə də cərimələnirəm. Ən yüksək məbləğdə ödədiyim cərimə yadımda qalmayıb”.

Nura Suri: "Mən cəmi bir dəfə 20 manat cərimə olunmuşam. Səbəb isə maşını düzgün yerdə saxlamamağım idi”.

Ədalət Şükürov: "Əvvələr tez-tez radara düşürdüm. İndi ayda bir dəfə ya düşəm, ya da yox. Cərimələrimin çoxu yüksək sürətə görə olub. Bəzən tədbirə, efirə tələsirəm”.

Emil Bədəlov: "Cərimələrim yüksək sürətə görə olub. Bir dəfə yığılıb qalan cərimələrimi ödəməyə getdim, 2500 manat idi”.

Manaf Ağayev: "Çox cərimələrim olmayıb. Tələsəndə sürəti bir az yüksəldirəm, ona görə cərimələnirəm”.

Əlikram Bayramov: "Bir dəfə Yevlaxa toya gedirdim. Toya gecikdiyim üçün avtomobili yüksək sürətlə idarə etdim. Həmin gün yollarda o qədər radara düşdüm ki, Yevlax səfərim 685 manat cərimə ilə nəticələndi”. 

Baloğlan Əşrəfov: "Yol polisləri mənə çox hörmət edirlər. Amma mən də bu hörmətdən sui-istifadə etmirəm. Qayda qanunlara bacardığım qədər əməl edirəm. Hərdən elə hallar olur ki, canlı efirə gecikməmək üçün və ya hansısa məclisə vaxtında çatmaq üçün sürəti bir az artırmışam. Buna görə 1-2 dəfə cərimələnmişəm”.