Maxi.az elektronika və məişət texnikası mağazalar şəbəkəsi şəhid ailələrinə dəstək göstərdi

2-ci Qarabağ müharibəsinin başlanmasından bir il vaxt keçir.

Bu müharibə Azərbaycanın tarixinə qızıl hərflərlə yazıldı, dünya hərb tarixində isə yeni səhifə açdı. Torpaqlarımız düşmən tapdağından azad oldu, ədalət bərpa edildi.

Əlbəttə ki, müharibələr qurbansız olmur. Bir çox şəhid ailələrində məktəbli uşaqlar var. Yeni dərs ilinin başlanmasına Maxi.az şəhid ailələrində böyüyən məktəbli uşaqlar üçün məktəb ləvazimatları ilə dolu bel çantaları hədiyyə etmişdir.

Ümid edirik ki, bizim tərəfdən bu kiçik diqqət uşaqlara sevinc gətirəcək.

Qəhrəmanlarımızı anırıq və onlara hörmət edirik!