Rusiyada yaşayış binasında partlayış olub - VİDEO

Rusiyanın Yaroslavl şəhərində yaşayış binasında partlayış baş verib.

BAKU.WS Rusiya KİV-lərinə istinadən xəbər verir ki, bu barədə Fövqəladə Hallar Nazirliyinin Regional xidmətindən bildirilib.

Məlumata görə, Batova küçəsindəki 5 nömrəli binada qaz sızması nəticəsində baş verən partlayış zamanı dörd nəfər ölüb, üç nəfər yaralanıb.

Binanın 3-5-ci mərtəbələrinin ön hissəsi çöküb.

Partlayışdan sonra yanğın baş verib. 60 nəfərdən çox sakin binadan təxliyə edilib.