Pelenin ölümü ilə bağlı Braziliyada matəm elan edildi

Braziliya prezidenti Jair Bolsonaro Pelenin ölümü ilə əlaqədar üç günlük matəm elan edib.

BAKU.WS xəbər verir ki, bu barədə ölkə hökumətinin rəsmi saytında dərc edilib.

Matəm dekabrın 31-də başa çatacaq.

Xatırladaq ki, braziliyalı əfsanəvi futbolçu Pele dekabrın 29-da San-Paulu klinikasında 82 yaşında vəfat edib. Pele 3 qat (1958, 1962, 1970-ci illər) dünya çempionu olan yeganə futbolçudur. O, Braziliya yığmasının heyətində 92 matç keçirib və 77 qol vurub. Sabiq forvard FIFA-nın versiyasına əsasən XX əsrin ən yaxşı futbolçusu elan edilib.

Hücumçu Braziliyanın “Santos” (1956-1974-cü illər) və ABŞ-ın "Nyu-York Kosmos" (1975-1977) komandalarının heyətində çıxış edib. Pele karyerası ərzində 1 279 qolla Ginnessin “Rekordlar” kitabına düşüb.