Nazirlər Kabinetində yeni təyinatlar olub - SİYAHI

Azərbaycan Respublikasının Baş Naziri Əli Əsədova yeni köməkçi təyin edilib.

BAKU.WS xəbər verir ki, bu barədə Nazirlər Kabinetinin Mətbuat Xidmətinin rəhbəri İbrahim Məmmədov məlumat verib.

Onun sözlərinə görə, Mehman Tağıyev Baş Nazirin köməkçisi təyin olunub. Bundan başqa, Xalid Qasımlı Nazirlər Kabineti Aparatının Hüquq və qanunvericilik şöbəsinin müdiri təyin edilib.

X. Qasımlı bundan əvvəl həmin şöbədə müdirin müavini olub. Musa Pənahov isə Nəqliyyat, kommunikasiya və innovasiya şöbəsinin müdiri, Niyazi Rəhimov isə Sosial məsələlər şöbəsinin müdiri təyin edilib.