Britaniya kraliçası şahzadə Harri və Meqan Marklla barışmaq istəyir

II Yelizaveta şahzadə Harri və onun həyat yoldaşı Meqan Marklla kral ailəsi arasında olan soyuq münasibətə son qoymaq niyyətindədir.

BAKU.WS oxu.az-a istinadən xəbər verir ki, Britaniya kraliçası yaxın günlərdə nəvəsinə zəng edərək aralarındakı münaqişəni yoluna qoymaq və qalmaqallı cütlüklə barışmaq istəyir.

Bununla yanaşı, II Yelizavetanın saray əməkdaşlarına ailədaxili məsələləri müzakirə etməyi qadağan etdiyi bildirilir.

Xatırladaq ki, şahzadə Harri və həyat yoldaşı Meqan Markl bir müddət öncə amerikalı aparıcı Opra Uinfriyə müsahibələrində kral ailəsini irqçilikdə, eləcə də özlərinə qarşı mənfi münasibətdə ittiham ediblər.