Ankarada NATO ölkələrinin Zirvə Görüşü başlayıb

Bu gün Türkiyədə bir gün davam edəcək 2026-cı il Ankara Zirvə Görüşü keçirilir. Bu 36-cı NATO zirvə görüşü olacaq ki, NATO-nun dövlət və hökumət başçılarının təhlükəsizlik məsələləri ilə bağlı rəsmi qərarlar qəbul edəcək.

BAKU.WS xəbər verir ki, hazırda Ankarada keçirilən "Ankara Zirvəsindən Sonra Avropa Təhlükəsizliyi: Avropada NATO Müttəfiqləri arasında Əməkdaşlığın Gücləndirilməsi" adlı tədbirə Türkiyə Prezidenti Administrasiyası ev sahibliyi edir.

NATO-ya 32 üzv ölkənin iştirakı ilə keçirilən zirvə toplantısında Rəcəb Tayyib Ərdoğan dövlət və hökumət başçılarını qəbul edəcək.

Hazırda tədbirə 100-ə yaxın nazir, çox sayda yüksəksəviyyəli diplomat və beynəlxalq təşkilat nümayəndələri qatılıb.

Rəcəb Tayyib Ərdoğan bu gün bəzi liderlərlə ikitərəfli görüşlər də keçirəcək.

Türkiyə dövlət başçısı Kanadanın Baş naziri Mark Karni və Finlandiya Prezidenti Aleksandr Stubb ilə görüşəcək. Daha sonra isə Ərdoğan ABŞ Prezidenti Donald Trampı rəsmi mərasimlə qarşılayacaq.

Tədbir yekunlaşdıqdan sonra isə Rəcəb Tayyib Ərdoğan və həyat yoldaşı Əminə Ərdoğan, dövlət və hökumət başçıları ilə onların həyat yoldaşlarının şərəfinə ziyafət verəcək.

Ankaradakı NATO sammitinin təhlükəsizliyi üçün 48 000-dən çox polis cəlb edilib.

Qeyd edək ki, bu Türkiyə Prezidenti Sarayının ev sahibliyi etdiyi 2004-cü il İstanbul sammitindən sonra Türkiyədə keçirilən ikinci NATO sammitidir.