Rusiya prezidenti: “Qarabağ münaqişəsinin həllində heç kim Rusiyadan daha çox maraqlı deyil”

“Qarabağ münaqişəsinin həllində heç kim Rusiyadan daha çox maraqlı deyil, bu münaqişə dostlarımızla baş verir”.

BAKU.WS oxu.az-a istinadən xəbər verir ki, bu sözləri Rusiya Prezidenti Vladimir Putin “Valday” müzakirə klubunun iclasında çıxışı zamanı deyib.

“Bizim üçün bu, xüsusi vəziyyətdir. Bəli, 92-ci ildə qrup yaradılıb. Həmsədrlər kimi Rusiya, Fransa, ABŞ-ın üzərinə danışıqlar prosesini təşkil etmək məsuliyyəti düşür. Mən yüz faiz əminəm ki, prosesin bütün iştirakçıları vəziyyətin tənzimlənməsinə səmimiyyətlə səy göstərir, ancaq heç kim bu işdə Rusiya qədər maraqlı deyil”, - deyə V.Putin qeyd edib.

Onun sözlərinə görə, rusiyalılar üçün “bütün bunlar canlı” baş verir.

“Bütün bunlar yalnız gözlərimiz qarşısında deyil, həm də bizim insanlarımız, dostlarımız, qohumlarımızla baş verir”, - Rusiya lideri qeyd edib.