Sevginin yaşı yoxdur deyirlər. Şamaxı sakininin sevgililər günündə atdığı addım bunu bir daha sübut edib. 75 yaşlı kişi 14 fevral-sevgililər günündə xanımına gözəl bir jest edərək ona avtomobil hədiyyə edib.
Aldığı avtomobilin üzərini bəzəyərək 50 ildir yaşadığı qapıya sürdü. 75 yaşlı kişi 14 Fevral-Sevgililər Günündə xanımına avtomobil hədiyyə etdi.
Ağarıza dayı sevgililər gününü fərqli qeyd edib. 50 ildir evli olduğu həyat yoldaşına bu avtomobili hədiyyə edib. Xanımi isə bu hədiyyədən xəbərsiz olub.
Aldığı avtomobilin açarlarını həyat yoldaşına təqdim edən Ağarıza Bayramov çoxdankı arzusunu reallaşdırdığını deyir.
İllərdir çəkdiyi zəhmətinin qarşılığında xanımını sevindirməyi bacaran Ağarıza Bayramov deyir ki, Bəxtilə xanım ona sözün əsl mənasında həyat yoldaşı olub ən çətin dövrlərdə ona dayaq olub. Qazandığı uğurları da həyat yoldaşına bağlayır.
Bəxtilə xanım avtomobil idarəetməyi bacarmasa da bu işin də öhdəsindən gələcəyini deyir. Onların 6 övladı, 12 nəvəsi və 2 nəticəsi var. İstənilən yaşda sevginin var olduğunu deyən cütlük, hədiyyənin simvolik xarakter daşıdığını əsas olanın xoşbəxtlik olduğunu deyirlər.
BAKU.WS