Jurnalist Rasim Əliyevin işi yaxın zamanda məhkəməyə göndəriləcək

"Yaxın zamanlarda Rasim Əliyevin öldürülməsi ilə bağlı iş məhkəməyə göndəriləcək". 

BAKU.WS-in məlumatına görə, bunu Baş prokuror Zakir Qaralov jurnalistlərə açıqlamasında deyib. O bildirib ki, bu cinayət işinin siyasiləşdirilməsi yol verilməzidir:

"Mərhum jurnalist Rasim Əliyevin qətli zamanı dövlət başçısı dərhal məlumatlandırılmışdı. DİN və Baş prokurorluğun daxili istintaq qrupunun bir günlük fəaliyyəti nəticəsində qətli həyata keçirən şəxslər müəyyən edilib və onlar həbs edilmişdi. Bu cür jurnalist ölümləri bütün dünyada baş verir. Şübhəsiz ki, biz bu cür qətl hadisələrini pisləyirik. Bu, bizim cəmiyyətə xas olan cinayət hadisəsi deyil".

Zakir Qaralov qeyd edib ki, təkcə ötən il dünyada 61 jurnalist qətlə yetirilib. Bu ilin 9 ayında isə 41 jurnalist öldürülüb.  

ŞAHİN Həbibov

Ayşən Ayxan 

BAKU.WS