Bakıda "TikTok"a görə qadın ofisiantı döyən restoran rəhbəri HƏBS EDİLDİ

Bakıda TikToka görə qadın ofisiantı döyən restoran rəhbəri HƏBS EDİLDİ
Hadisə 353

Bakı şəhəri, Nizami rayonunda yerləşən restoranların birinin icarədarı ofisiantı döyüb.

BAKU.WS "Qaynarinfo"ya istinadən xəbər verir ki, restoran işlədən İ.Fərid adlı sahibkar Samirə adlı qadın ofisiantı döyməkdə ittiham edilib.

Belə ki, sahibkar restoranda Samirənin "TikTok" sosial şəbəkəsində canlı yayım açdığını görüb. O, ofisianta əsəbiləşib və "sən sabahdan istirahətdəsən", - deyib.

Hadisənin səhəri günü Samirə gündəlik 20 manat əməkhaqqını almaq üçün Fəridin yanına gəlib. Sahibkar isə işdən qovduğu işçisinin maaşını ödəməkdən imtina edib. Zərərçəkmiş qadın sahibkara - "haram xoşun olsun", - deyib. Bu zaman Fərid restoranda olan müştərilərin yanında Samirənin üstünə hücum edərək onu təhqir edib. Daha sonra sahibkar ofisiantın üzünə qapını çırparaq, yumruqla baş nahiyəsinə zərbə vurub.

Nəticədə Samirə baş və bədənin müxtəlif nahiyələrindən zədə alaraq xəstəxanaya yerləşdirilib.

Məhkəmənin qərarı ilə Fərid Cinayət Məcəlləsinin 221.1-ci maddəsində nəzərdə tutulmuş cinayət əməlini törətməkdə təqsirli bilinib və 5 ay müddətinə azadlıqdan məhrum edilib.

Oxşar xəbərlər

Dəniz sahilində ACINACAQLI VƏZİYYƏT: Vətəndaşların sağlamlığı təhlükədə

Dəniz sahilində ACINACAQLI VƏZİYYƏT: Vətəndaşların sağlamlığı təhlükədə

Bakı şəhərinin Xəzər rayonundakı Buzovna çimərliyində kanalizasiya suları birbaşa dənizə axıdılır. Bu da ora dincəlməyə üz tutan insanların sağlamlığı üçün cidd...

161 Hadisə 21:30 06 iyul 2025

Son xəbərlər