13,99%-dən ZAMİNSİZ, KOMİSSİYASIZ NAĞD KREDİT

Ötən gün ərzində paytaxtda xidmət aparan Daxili İşlər Nazirliyinin əməkdaşları itkin düşmüş şəxslərlə bağlı beş fakt qeydə alıb.

BAKU.WS xəbər verir ki, bu barədə “oxu.az”a hüquq-mühafizə orqanlarından məlumat verilib.

İtkin düşən altı şəxsdən ikisi azyaşlı - Nurlan (2009-cu il təvəllüdlü) və Ömər Şərifov (2014-cü il təvəllüdlü) qardaşdır. Onlar aprelin 20-də Qaradağ rayonunun Müşfiqabad qəsəbəsi ərazisində yoxa çıxıblar. Polis idarəsinə uşaqların itkin düşməsi ilə bağlı məlumat aprelin 21-də daxil olub. Xoşbəxtlikdən elə həmin gün azyaşlılar Qaradağ Rayon Polis İdarəsinin əməkdaşları tərəfindən tapılaraq, sağ-salamat ailələrinə təhvil verilib.

Qeyd edək ki, Binəqədi rayonu, Rəsulzadə qəsəbəsində aprelin 21-də Dadaşova Səkinə Qalib qızı (1997-ci il təvəllüdlü) itkin düşüb. O, saat 15:00 radələrində evdən çıxıb və bir daha geri qayıtmayıb. İtkin düşən şəxsi Binəqədi rayonu 4-cü Polis Bölməsinin əməkdaşları axtarır.

Aprelin 20-də Nərimanov rayonunun ərazisində 23 yaşlı Soltanov Kamran Rafiq oğlu evdən çıxıb və bir daha geri qayıtmayıb.

Nizami rayonunda isə ötən ilin oktyabr ayının 30-da Qara Qarayev prospektinin yaxınlığında itkin düşmüş Hüseynov Həsən Allahverdi oğlu (1975-ci il təvəllüdlü) axtarılır.

Yasamal rayonunun 27-ci polis bölməsinin əməkdaşları Orucov Vidadi Mehdi oğlunu (1959-cu il təvəllüdlü) axtarır. Bu şəxs martın 19-da yoxa çıxıb.

O vaxtdan bəri onun harada olduğu barədə məlumat yoxdur.

Hüquq-mühafizə orqanlarının əməkdaşları bildirirlər ki, əksər hallarda itkin düşən şəxslər iki-üç gün sonra özləri sağ və salamat geri qayıdırlar. Lakin istənilən halda axtarış aparılan müddətdə bu şəxslər itkin düşmüş hesab edilir. Həmin şəxslər cinayətin və ya hansısa bədbəxt hadisənin qurbanına da çevrilə bilərlər.

Oxucuları tez-tez “insan hansı hallarda itkin düşmüş hesab olunur?” sualı ilə müraciət edirlər.

Məsələ ondan ibarətdir ki, əvvəllər bütün MDB məkanında vahid təcrübə mövcud idi - əgər şəxsin itkin düşməsindən üç gün keçməyibsə, hüquq-mühafizə orqanları ərizəni qəbul etmirdilər.

Lakin son 10 ildə daxili işlər orqanlarının normativləri dəyişib və müddətdən asılı olmayaraq, itkin düşən şəxs haqqında ərizə dərhal qəbul edilməlidir.

Şəxs o halda itkin düşmüş hesab olunur ki, qəflətən və naməlum şəraitdə yoxa çıxsın, harada olduğu haqqında məlumat olmasın.

Daxili İşlər Nazirliyində bütün itkin düşmüş şəxslərin qeydiyyatının aparıldığı xüsusi baza mövcuddur. Orada şəxsin məlumat vərəqəsi, şəkilləri, xüsusi əlamətləri, şəxsiyyətini müəyyənləşdirərkən lazım ola biləcək bütün məlumatlar var.

BAKU.WS