Bakının Nərimanov rayonunda mağazaya pulu xırdalamaq adı ilə daxil olan şəxs oğurluq edib.
Bu barədə mağaza sahibi BAKU.WS-in “qaynar xətt”inə məlumat verib.
Bildirilir ki, hadisə Nərimanov rayonu, Ağa Nemətulla küçəsi 80 ünvanında qeydə alınıb.
Ərzaq mağazasından oğurluq edən şəxs kassaya yaxınlaşaraq pulu xırdalamağı xahiş edib.
Xəzinədarın pul xırdalamağa başı qarışan zaman oğru piştaxtadan malları götürərək cibinə qoyur.
Həmin anlar mağazadakı müşahidə kamerasına düşüb.
Mağaza sahibi qeyd edib ki, bu, son dövrlərdə adıçəkilən ünvanda baş verən yeganə oğurluq hadisəsi deyil. Bundan əvvəl də sözügedən mağazada oğurluqlar olub.
Hadisə ilə bağlı polisə məlumat verilib.
BAKU.WS
VİDEO