055 213 76 73
Dünən gecədən başlayaraq "Yeni Ermənistan" hərəkatı İrəvanın mərkəzindəki Azadlıq meydanında bir günlük oturaq aksiya keçirir.
BAKU.WS-in məlumatına görə, etirazlar Ermənistan Konstitusiyasında aparılan islahatlarının əleyhinə təşkil olunub.
Aksiya zamanı hökumət əleyhinə şuarlar da səsləndirilib. Ermənistan hüquq-mühafizə orqanlarının əməkdaşları aksiyaya müdaxilə edib. Nəticədə mitinq iştirakçıları ilə polis arasında qarşıdurma yaranıb.
"İrs" partiyasının lideri Raffi Ovanisyan bildirib ki, nümayişçilər növbəli şəkildə meydanda olacaqlar. Bu gün saat 18:00-dan başlayaraq isə yeni mitinq keçiriləcək, ardınca isə nümayiş olacaq.
Qeyd edək ki, dekabrın 6-da Ermənistanda Konstitusiya islahatları ilə bağlı referendum keçiriləcək.
Ziya Səccad
BAKU.WS
