Neftin qiyməti 41 dollara düşdü

Dünya birjalarında neftin qiyməti yenidən ucuzlaşıb.

BAKU.WS-in məlumatına görə, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,59 dollar (1,39%) azalaraq 41,91 dollar olub.

ICE London qitələrarası fond birjasında isə Brent markalı neftin 1 barelinin qiyməti 0,63 dollar (1,28%) ucuzlaşaraq 48,56 dollar olub.

Qeyd edək ki, dünyada baş verən iqtisadi proseslər, İranın "Altılıq" ölkələrlə danışıqlardan müsbət nəticə əldə edərək yenidən neft bazarına daxil olması birjalarda "qara qızıl"ın ucuzlaşmasına gətirib çıxarır. 

SAHIN Həbibov

BAKU.WS