Bakıda mağazaların kütləvi boşaldılması davam edir
![Bakıda mağazaların kütləvi boşaldılması davam edir](https://baku.ws/storage/photos/thumbs/large/1440493056_11910797_1632864346989847_2005565981_n.webp)
"Region ölkələrin devalvasiya və neftin qiymətindəki kəskin ucuzlaşma Azərbaycan iqtisadiyyatına təsir göstərməkdədir. Son iqtisadi proseslər vətəndaşların daha çıx yığıma üstünlük verməsinə və biznesin fəaliyyətinin məhdudlaşdırılmasına gətirib çıxarır. Hazırda biznes fəaliyyətində ciddi məhdudiyyət hiss edilir və nəticədə bir çox obyekt boşalır".
Bunu BAKU.WS-ə açıqlamasında İqtisadi və Sosial İnkişaf Mərkəzinin (İSİM) Sədri Vüqar Bayramov deyib. Onun sözlərinə görə, son dövrlərdə icarəyə verilən qeyri-yaşayış sahələrinin sayında artım var. Bu isə onu göstərir ki, biznesin dəstəklənməsi ilə bağlı xüsusi proqram hazırlanmalıdır:
"Azərbaycan biznesin dəstəklənməsi ilə bağlı proqram hazırlanmalıdır. Kiçik-və orta sahibkarlığın dəstəklənməsi ilə bağlı da yeni proqramlar işə salınmalıdır. Yerli biznesin dövlət tərəfindən dəstəklənməsi bu sahənin dünyada baş verən iqtisadi proseslərin mənfi təsirlərindən qorunmasına imkan verəcək. Digər ölkələrdə olduğu kimi kiçik biznesin sağlamlaşdırılması ilə bağlı xüsusi dövlət proqramının hazırlanması və tətbiq edilməsinə ehtiyac var. Dövlət başçısı son iclaslarında kiçik biznesə yersiz müdaxilələrlə bağlı çıxış etmişdi. Prezidentin tapşırığına uyğun olaraq yersiz müdaxilələrin qarşısı alınmalıdır. Bununla yanaşı, vergi yükünün azaldılmasına da ehtiyac var. Kiçik və orta sahibkarlığın qorunması vacibdir".
Mütəxəssis hesab edir ki, son iqtisadi proseslər ölkə biznesinə mənfi təsir göstərəcək: "Belə ki, kiçik və orta sahibkarların sayı azal bilər. Bununla yanaşı, son vəziyyət iş yerlərinin sayının azalması baxımından da heç ürəkaçan deyil", - deyə iqtisadçı əlavə edib.
Xatırladaq ki, son günlər Bakının mərkəzində fəaliyyət göstərən mağazalar kütləvi şəkildə bağlanıb. Əhalinin alıcılıq qabiliyyətinin aşağı düşməsi xüsusilə elektronika bazarına mənfi təsir edib. Belə ki, paytaxtda elektronika malları satan ticarət şəbəkələrinin bəziləri mağazaları bağlamağa başlayıb. Digər mağazalarda isə məhsullar vətəndaşlara yüksək endirimlərlə təklif olunur. Paytaxt ərazisində fəaliyyət göstərən geyim mağazaları da alıcılıq qabiliyyətinin aşağı düşməsindən sonra dükanları bağlamaq qərarına gəlib. Yaxın bir neçə gündə bu prosesin kütləvi hal alacağı gözlənilir.
ŞAHİN Həbibov
BAKU.WS
![](https://baku.ws/storage/photos/thumbs/aspect/1440493084_11909776_1632864333656515_1266967485_n.webp)
![](https://baku.ws/storage/photos/thumbs/aspect/1440493022_11938785_1632864323656516_1293005809_n.webp)
![](https://baku.ws/storage/photos/thumbs/aspect/1440488496_1440417882_11944785_1148717588478845_843993606_n.webp)
![](https://baku.ws/storage/photos/thumbs/aspect/1440488528_1440417918_11944907_1148717595145511_718546420_n.webp)
![](https://baku.ws/storage/photos/thumbs/aspect/1440488524_1440417942_11923062_1148717585145512_641611201_n.webp)
Oxşar xəbərlər
Samir Əliyev: Azərbaycanda 50%-lik devalvasiya ola bilər
"Əgəz Azərbaycan Mərkəzi Bankı manatın məzənnəsinə müdaxilə etməsə, kəskin ucuzlaşma ola bilər. Qazaxıstan və Rusiya kimi biz də üzən məzənnə siyasətinə keçsək,...