055 213 76 73
Dünya bazarında neft bahalaşmaqda davam edir.
BAKU.WS xəbər verir ki, "Brent" neftinin qiyməti 139 dollara çatıb.
ICE London qitələrarası birjasında keçirilən ticarət əməliyyatlarının gedişində Brent neftinin ixracına dair 2022-ci ilin may müqaviləsinin dəyəri 9,8% artaraq 1 barelə görə 129,68 dollar təşkil edib.
Bundan əlavə, Nyu-Yorkun NYMEX əmtəə birjasında bu ilin aprelində ixrac etməklə WTI markalı neftin 1 barelinin qiyməti isə 8,71% artaraq 125,75 dollara çatıb.
Qeyd olunur ki, neft qiymətləri bu həddə çatandan sonra qismən ucuzlaşmağa başlayıb. Hazırda birjalarda "Brent" neftinin may fyuçersləri 130 dollar/barel ətrafında alınıb satılır.
Ötən həftəsonu ilə müqayisədə qiymət artımı 18 faizə bərabər olub.
"JPMorgan Chase & Co." agentliyinin proqnozlarına əsasən, Rusiyadan neft nəqlinin dayanması təqdirində "Brent" neftinin qiymətləri ilin sonunadək 185 dollaradək çata bilər.
Qeyd edək ki, neft qiymətləri 2008-ci ildə 143 dollar həddinədək çatmaqla tarixi rekordu vurmuşdu.