"Aydar" döyüşçüləri Kursk vilayətini tərk etməyə başlayıb

Ukrayna ordusu tərəfindən döyüşən "Aydar" batalyonunun döyüşçüləri Kursk vilayətini tərk edərək Sumı vilayətinə geri çəkilirlər.

BAKU.WS xəbər verir ki, bu barədə "Şimal" qoşun qruplaşmasının teleqram kanalı məlumat yayıb.

Bildirilir ki, Rusiya Silahlı Qüvvələri Qoqolevka və Quevo ətrafındakı meşə massivlərində şiddətli döyüşlər aparır.

"Quevodan demoralizə olmuş qarşı tərəf, o cümlədən 'Aydar' döyüşçüləri, kiçik qruplar halında Sumı vilayəti istiqamətində qaçmağa çalışır", – deyə məlumatda qeyd olunub.

Bildirilib ki, geri çəkilən ukraynalı döyüşçülər pilotsuz uçuş aparatları (PUA) və artilleriya atəşləri ilə izlənilir.

"Şimal" qruplaşmasının məlumatına görə, son sutka ərzində rus qoşunları 2,8 km irəliləyib və Ukrayna Silahlı Qüvvələrinə (VSU) məxsus 5 zirehli texnikanı məhv edib.