Alimlərdən Rusiyada tornado ilə bağlı XƏBƏRDARLIQ

Qlobal istiləşmə ilə əlaqədar Rusiyada baş verən tornadoların sayı arta bilər.

BAKU.WS RBK-yə istinadən xəbər verir ki, bununla bağlı alimlər xəbərdarlıq ediblər.

Qeyd olunub ki, belə bir hava hadisəsi tezliklə adi hala çevrilə bilər.

Rusiya Elmlər Akademiyasının Coğrafiya İnstitutunun aparıcı elmi işçisi Mariya Ananiçevanın sözlərinə görə, bu il may ayının istiləri Moskvada tornadoya səbəb ola bilərdi, lakin bu baş verməyib.

Başqa bir mütəxəssis isə qeyd edib ki, hər il Moskva və regionda müxtəlif kateqoriyalı 7,5 tornado əmələ gəlir. Ümumiyyətlə, Rusiyada ildə təxminən 300 tornado, təxminən 30-50 güclü tornado olur.