İsrailin hücumu nəticəsində yüksək vəzifəli fələstinli siyasətçi öldü

İsrailin hücumu nəticəsində yüksək vəzifəli fələstinli siyasətçi ölüb. Bu Fələstinin azadlığı uğrunda Xalq cəbhəsinin üzvü olan Təlal Əbu Zərifədir.

BAKU.WS xəbər verir ki, bu barədə İsrailin "Walla" xəbər portalı məlumat yayıb.

Bildirilib ki, o İsrail ordusunun (SAXAL) Qəzza şəhərinin Sabra rayonuna hücumu nəticəsində həlak olub.

Əməliyyatın təfərrüatları barədə hələ ki, açıqlama verilməyib.

Xatırladaq ki, ötən ilin oktyabrın 7-də Qəzza zolağından silahlı HƏMAS tərəfdarlarının İsrail ərazisinə soxulması, sərhəd yaşayış məntəqələrinin sakinlərinin öldürülməsi və 240-dan çox girov götürülməsindən sonra Yaxın Şərqdə vəziyyət pisləşdi.

Radikallar bu hücumu İsrail hakimiyyətinin Qüdsdəki Əl-Əqsa məscidinə qarşı etdiklərinə cavab olaraq qəbul edib. İsrail Qəzzanı tam blokadaya aldığını elan edərək Livan və Suriya zolağına zərbələr endirməyə başlayıb, bundan sonra anklavda quru əməliyyatına başlayıb.