055 213 76 73
Gürcüstanın paytaxtı Tbilisidə “Xarici agentlər” haqqında qanunun qəbuluna etiraz edənlər dağılışmağa başlayıblar.
"Report"un yerli bürosu xəbər verir ki, onlar sabah saat 11-də parlamentin plenar iclasında qanun layihəsinin müzakirəsinə başlamazdan əvvəl yenidən toplaşmağa razılaşıblar.
Bəzi fəallar isə Rustaveli prospektində gecələmək niyyətindədirlər.
Qeyd edək ki, daha əvvəl etirazçılarla polis arasında toqquşmalar baş verib. Gürcüstanın Daxili İşlər Nazirliyinin (DİN) məlumatına görə, bir neçə nəfər saxlanılıb.
DİN etiraz aksiyasının iştirakçılarını dinc toplantılar və ifadə azadlığı hüdudlarından kənara çıxmamağa çağırıb.
Xatırladaq ki, iştirakçılar daha əvvəl parlament binasını mühasirəyə almağa çalışıblar.
***23:18
Gürcüstan parlamentinin binası yaxınlığında vəziyyət gərginləşir.
"Report"un yerli bürosu xəbər verir ki, etirazçılarla polis arasında toqquşmalar baş verib.
Gürcüstanın Daxili İşlər Nazirliyinin (DİN) rəsmi məlumatına görə, indiyədək 4 nəfər saxlanılıb. Qeyd edilir ki, onların sayı artır.
DİN daha əvvəl Tbilisinin mərkəzində keçirilən etiraz aksiyasının iştirakçılarını dinc toplantılar və ifadə azadlığı hüdudlarından kənara çıxmamağa çağırıb.
“Hər hansı qanun pozuntusunun dərhal polis tərəfindən qanun çərçivəsində aradan qaldırılacaq”, - məlumatda bildirilir.
Qeyd edək ki, Tbilisidə keçirilən mitinq zamanı iştirakçılar parlament binasını mühasirəyə almağa çalışırlar.
***23:40
Gürcüstanın paytaxtı Tbilisidə keçirilən aksiyada təxribat törətmək istəyənlər var. Onlar müəyyən edilərək polislər tərəfindən saxlanılır.
"Report"un yerli bürosu xəbər verir ki, bu barədə Gürcüstanın Daxili İşlər Nazirliyinin (DİN) Patrul Polisi İdarəsinin rəisi Vaja Siradze jurnalistlərə açıqlamasında bildirib.
"Qəsdən təxribat törədən 30 nəfər var. Onlar polislərə qarşı təxribat törətmək istəyirlər. Polisə zəng edirlər, söyüş söyürlər, müqavimət göstərirlər. Mən onları dinc şəraitdə mitinq keçirməyə çağırıram”, - Vaja Siradze deyib.
Onun sözlərinə görə, hazırda saxlanılanların sayı barədə ətraflı məlumat yoxdur.
“Hazırda bizdə bununla bağlı dəqiq rəqəm yoxdur. Onlar polisə müqavimət göstəriblər. Aksiyaçıları qanuna tabe olmağa və mitinqin dinc şəraitdə keçirilməsi üçün sakit olmağa çağırıram”, - Siradze vurğulayıb.
DİN daha əvvəl Tbilisinin mərkəzində keçirilən etiraz aksiyasının iştirakçılarını dinc toplantılar və ifadə azadlığı hüdudlarından kənara çıxmamağa çağırıb.
Qeyd edək ki, Tbilisidə keçirilən mitinq zamanı iştirakçılar parlament binasını mühasirəyə almağa çalışıblar.