055 213 76 73
Məşhur aktyor Arnold Şvartsenegger illər sonra rol aldığı "Terminator" filmi ilə bağlı etiraf edib.
BAKU.WS xəbər verir ki, aktyor 1984-cü ildə "Terminator"a çəkilərkən "Geri dönəcəyəm" ifadəsini işlətmək istəmədiyini bildirib. O, bu barədə həyatından bəhs edən "Arnold" adlı filminə danışarkən deyib.
Hətta Şvartsenegger buna görə ekran işinin rejissoru Ceyms Kemeronla da mübahisə edib. Kemeron aktyora, "Ssenarini sən yazmısan? Ssenarini yazmağı mənə necə öyrədə bilərsən?", - deyərək sərt reaksiya verib.
Kemeron həmin an baş verənləri belə ifadə edib:
"Çəkilişlərin ortasında polis bölməsində idik. Replika "Geri dönəcəyəm" idi. Arnold o sözü demək istəmirdi".
Bu ifadə aktyora gülməli gəldiyindən o, həmin sözü demək istəməyib.
Məlumat üçün bildirək ki, Arnold Şvartsenegger ikonik ifadəni daha 4 filmdə də deyib.
