Hindistanda qatar qəzasında ölənlərin sayı 294-ə çatıb - VİDEO

Hindistanın Odişa ştatında iki sürətli sərnişin və bir yük qatarının toqquşması nəticəsində ölənlərin sayı 294-ə yüksəlib, 1000 nəfərdən çox şəxs isə xəsarət alıb.

Hadisə iyunun 2-də yerli vaxtla axşam saat 19:20 radələrində Balasor rayonunun Bahanaqa stansiyası yaxınlığında baş verib.

Kolkatadan Çennay şəhərinə gedən sərnişin qatarı relsdən çıxaraq əks istiqamətdəki Benqaluru-Hovrah sərnişin qatarı və dəmir yüklü qatara çırpılıb.

Qəzadan sonra 49 qatarın hərəkəti dayandırılıb, 38 qatar başqa istiqamətə yönləndirilib.

Qeyd edək ki, ölkənin Baş naziri Narendra Modi gün ərzində hadisənin baş verdiyi əraziyə və xəstələrin müalicə aldığı tibb ocaqlarına baş çəkəcək. Ölkənin dəmir yolu naziri Aşvini Vaişnau isə hadisənin dərindən araşdırılacağını açıqlayıb.

The footage of the #train_accident in India has come to the fore New Delhi: 280 people died in the train accident, more than 900 were injured, Indian media.#BalasoreTrainAccident #IndianRailways #TrainAccident pic.twitter.com/zhFvifvvdV

— Abdul Wajid Farooqi (@AbdulWajidAWF) June 3, 2023

BREAKING: Drone footage of damage from India train crash, as death toll nears 300.pic.twitter.com/u8XaWi6CSQ

— The Spectator Index (@spectatorindex) June 3, 2023