Rusiyada yaşayış evində partlayış olub: ÖLƏNLƏR VAR - FOTO

Rusiyanın Nijnevartovsk şəhərində beşmərtəbəli yaşayış binasında partlayış baş verib. Binanın iki mərtəbəsi çöküb.

BAKU.WS xəbər verir ki, bu barədə Rusiya Fövqəladə Hallar Xidməti məlumat yayıb.

Bildirilib ki, hadisə nəticəsində 5 nəfər ölüb, 10 nəfər xəsarət alıb.

Xəstəxanaya yerləşdirilən 3 nəfərdən ikisinin durumu isə ağırdır.

Ümumilikdə 52 sakini təxliyə edilib. Məktəblərdən birində müvəqqəti sığınacaq yaradılıb.