Rusiya S-500 hava hücumundan müdafiə sistemlərini gələn il hazır edəcək.

BAKU.WS xəbər verir ki, bu barədə Rusiya Aerokosmik Qüvvələrinin baş komandanının müavini general-leytenant Andrey Yudin “Krasnaya zvezda” ("Qırmızı ulduz") qəzetinə müsahibəsində bildirib.

Onun sözlərinə görə, yeni nəsil S-500 hava hücumundan müdafiə sistemləri 2021-ci ildə tam hazır olacaq.

"Qeyd etmək lazımdır ki, S-500 mobil hava və raket əleyhinə müdafiə sisteminin hazırlanmasının tamamlanması 2021-ci ilə planlaşdırılır", - deyə Andrey Yudin bildirib.

Qeyd edək ki, ötən ilin dekabr ayında Rusiya Federasiyası Müdafiə nazirinin müavini Aleksey Krivoruçko açıqlamasında S-500-ün ilkin sınaqlarının 2020-ci ildə başlayacağını açıqlamışdı. Onlardan 2025-ci ildə orduda istifadə olunacağını qeyd etmişdi.

BAKU.WS
QALEREYA